சிவகார்த்திகேயன், நயன்தாரா நடிப்பில் இயக்குனர் ராஜேஷ் எம் இயக்கிய 'Mr.லோக்கல்' திரைப்படத்தின் ரிலீஸ் தேதி மே 1ஆம் தேதி என ஏற்கனவே அறிவிக்கப்பட்டிருந்த நிலையில் தற்போது இந்த படத்தின் ரிலீஸ் தேதி மாற்றப்பட்டுள்ளது.

இந்த படம் வரும் மே 17ஆம் தேதி வெளியாகும் என இப்படத்தின் தயாரிப்பு நிறுவனம் ஸ்டுடியோக்ரீன் புரடொக்சன்ஸ் தனது சமூக வலைத்தள பக்கத்தில் அதிகாரபூர்வமாக அறிவித்துள்ளது. மேலும் புதிய ரிலீஸ் தேதியுடன் கூடிய ஒரு போஸ்டரும் வெளியாகியுள்ளது. ஏற்கனவே இந்த படத்தின் சமீபத்திய விளம்பரங்களில் ரிலீஸ் தேதி குறித்த தகவல் இல்லாததால் இந்த படம் ரிலீஸ் தள்ளிப்போகும் என ஏற்கனவே நாம் தெரிவித்திருந்தோம் என்பது குறிப்பிடத்தக்கது.

இயக்குனர் ராஜேஷ் எம் இயக்கத்தில், ஹிப்ஹாப் தமிழா ஆதி இசையில் உருவாகியுள்ள இந்த படத்தில் சிவகார்த்திகேயன், நயன்தாரா, ராதிகா, யோகிபாபு, சதீஷ், ஆர்ஜே பாலாஜி, பிரகாஷ்ராஜ், ரோபோ சங்கர், ஆனந்த்பாபு, சுமன் உள்பட பலர் நடித்துள்ளனர். தினேஷ் கிருஷ்ணன் ஒளிப்பதிவில் விவேக் ஹர்ஷன் படத்தொகுப்பில் உருவாகியுள்ள இந்த படத்தின் பாடல்கள் நாளை அதாவது ஏப்ரல் 20ஆம் தேதி வெளியாகவுள்ளது என்பது குறிப்பிடத்தக்கது.