இளையதளபதி விஜய்யின் 42வது பிறந்த நாள் வரும் ஜூன் 22ஆம் தேதி வரவுள்ளதை அடுத்து ரசிகர்கள் தளபதியின் பிறந்தநாளை மிக சிறப்பாக கொண்டாட திட்டமிட்டு வருகின்றனர்.

இந்நிலையில் தனது 42வது பிறந்த நாளில் ரசிகர்களுக்கு ஒரு சிறப்பு பரிசை தர விஜய் முடிவு செய்துள்ளதாக செய்திகள் வெளிவந்துள்ளது. விஜய் தற்போது நடித்து கொண்டிருக்கும் 'விஜய் 60' படத்தின் டைட்டில் மற்றும் ஃபர்ஸ்ட்லுக் விஜய்யின் பிறந்த நாளில் வெளிவரவுள்ளதாக நம்பத்தகுந்த வட்டாரங்களில் இருந்து கூறப்படுகிறது.

விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி உள்பட பலர் நடித்துள்ள இந்த படத்தை 'அழகிய தமிழ்மகன்' இயக்குனர் பரதன் இயக்கி வருகிறார். சந்தோஷ் நாராயணன் இசையமைத்து வரும் இந்த படத்தை விஜயா புரடொக்ஷன்ஸ் நிறுவனம் பிரமாண்டமாக தயாரித்து வருகிறது.