விஷால் நடிப்பில் ஆதிக் ரவிச்சந்திரன் இயக்கத்தில் உருவான மார்க் ஆண்டனி’ திரைப்படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடைபெற்று வருகின்றன. இந்த படத்தின் டீசர் இன்று வெளியாகும் என ஏற்கனவே அறிவிக்கப்பட்டது என்பதும் இன்று காலை தளபதி விஜய்க்கு இந்த படத்தின் டீசரை காண்பித்து படக்குழுவினர் வாழ்த்து பெற்றனர் என்பதையும் பார்த்தோம்.

இந்த நிலையில் சற்று முன்னர் மார்க் ஆண்டனி’ படத்தின் டீசர் வெளியாகி இணையதளங்களில் வைரலாகி வருகிறது. தமிழ் திரை உலகில் ஏற்கனவே ஒரு சில டைம் டிராவல் திரைப்படங்கள் வந்திருந்தாலும் இந்த டைம் டிராவல் படம் வித்தியாசமான திரைப்படம் என்று டீசரில் இருந்து தெரிய வருகிறது.

குறிப்பாக ஃபோனில் இருந்து டைம் ட்ராவல் என்பது இதுவரை யாரும் சிந்திக்காத கான்செப்ட் என்று எதிர்பார்க்கப்படுகிறது. டைம் டிராவல் என்றாலே படத்தில் உள்ள நட்சத்திரங்களுக்கு பல்வேறு கெட்டப்புகள் இருக்கும் வகையில் இந்த படத்திலும் விஷால் மற்றும் எஸ்ஜே சூர்யாவுக்கு பல கெட்டப்புகள் உள்ளது என்பதும் குறிப்பாக விஷாலை விஷாலே எதிர்கொள்வது போன்ற ஒரு காட்சி நிச்சயம் ரசிகர்களுக்கு விருந்தாக இருக்கும் என்று எதிர்பார்க்கப்படுகிறது.

விஷால், எஸ்ஜே சூர்யா, சுனில், செல்வராகவன், ரிதுவர்மா, அபிநயா, ஒய்ஜி மகேந்திரன் உள்ளிட்ட பலர் நடிப்பில் உருவான இந்த படத்தை வினோத்குமார் தயாரித்துள்ளார். ஜிவி பிரகாஷ் இசையில் உருவான இந்த படம் விரைவில் திரையரங்குகளில் வெளியாக உள்ளது.