விஜய் நடித்த படங்கள் என்றாலே பெரும்பாலும் குழந்தைகளுக்கு பிடித்த படமாகத்தான் இருக்கும் என்பது தெரிந்ததே. குழந்தைகளுக்கு பிடித்த படம் என்றாலே கண்டிப்பாக குடும்பத்துடன் பார்த்து ஆகவேண்டிய கட்டாயம் மக்களுக்கு ஏற்படும். விஜய் படங்களுக்கு குடும்பம் குடும்பமாக ஆடியன்ஸ் வர இதுவே ஒரு மிகப்பெரிய காரணம்

இந்த நிலையில் கடந்த எட்டு ஆண்டுகளாக அதாவது 'சுறா' முதல் 'தெறி' வரை விஜய் நடித்த படங்கள் அனைத்தும் குழந்தைகள் பார்க்க வசதியாக 'யூ' சான்றிதழ் பெற்று வந்தது. விஜய்யின் முந்தைய படமான 'மெர்சல்' மட்டும் நீண்ட இடைவெளிக்கு பின்னர் அதாவது 'வேட்டைக்காரன்' படத்திற்கு பின்னர் 'யூஏ' சான்றிதழ் பெற்றது.

இந்த நிலையில் 'சர்கார்' படத்திற்கும் 'யூ' சான்றிதழ் கிடைக்கும் என எதிர்பார்க்கப்பட்ட நிலையில் இந்த படத்திற்கும் 'யூஏ' சான்றிதழ் கிடைத்துள்ளது. எட்டு ஆண்டுகளுக்கு பின்னர் 'மெர்சலை அடுத்து இரண்டாவது முறையாக விஜய் படம் யூஏ சான்றிதழ் பெற்றுள்ளது என்பது குறிப்பிடத்தக்கது.