இயக்குனர் ஏஆர் முருகதாஸ் தற்போது சிவகார்த்திகேயன் நடித்து வரும் ’எஸ்கே 23 ’என்ற படத்தை இயக்கி வரும் நிலையில் இந்த படத்தை முடித்தவுடன் அவர் சல்மான்கான் படத்தை இயக்கப் போகிறார் என்பதும் ’சிக்கந்தர்’ என்ற டைட்டில் வைக்கப்பட்டுள்ள இந்த படத்தின் படப்பிடிப்பு விரைவில் தொடங்கப் போவதாக வெளியான செய்தியை ஏற்கனவே பார்த்தோம்.

இந்த நிலையில் தற்போது இந்த படத்தின் ஆரம்பகட்ட பணிகள் நடைபெற்று வருவதாகவும் குறிப்பாக இந்த படத்தில் நடிக்கும் நட்சத்திரங்களிடம் இயக்குனர் ஏஆர் முருகதாஸ் பேச்சுவார்த்தை நடத்தி வருவதாகவும் கூறப்படுகிறது.

குறிப்பாக இந்த படத்தில் தென்னிந்திய பிரபலங்கள் தான் அதிகம் நடிக்க இருப்பதாகவும் இதற்கு சல்மான்கான் ஒப்புக்கொண்டதாக கூறப்படும் நிலையில் தென்னிந்திய பிரபலங்களான அரவிந்த்சாமி, பிரகாஷ்ராஜ், கார்த்திகேயா ஆகியோர்களுடன் பேச்சுவார்த்தை நடைபெற்று வருவதாக கூறப்படுகிறது. மேலும் இந்த படத்தின் நாயகி ராஷ்மிகா மந்தனா நடிக்க இருப்பதாகவும் அவரிடமும் கிட்டத்தட்ட பேச்சுவார்த்தை முடிந்து விட்டதாகவும் கூறப்படுகிறது.

அட்லி இயக்கத்தில் உருவான பாலிவுட் படமான ’ஜவான்’ திரைப்படத்தில் நயன்தாரா, விஜய் சேதுபதி, ப்ரியாமணி, யோகி பாபு உள்ளிட்ட தமிழ் பிரபலங்கள் நடித்த நிலையில் அதேபோல் ஏஆர் முருகதாஸும் தமிழ் உட்பட தென்னிந்திய பிரபலங்களை ’சிக்கந்தர்’ படத்தில் பயன்படுத்த திட்டமிட்டுள்ளதாக கூறப்படுகிறது.