இசையமைப்பாளர் டி இமான் அவ்வப்போது திறமையான பாடகர்களை இனம்கண்டு தான் இசையமைக்கும் படத்தில் அறிமுகம் செய்து வருகிறார் என்பது தெரிந்ததே. சமீபத்தில் அஜித்தின் ’விஸ்வாசம்’ படத்தின் பாடலை தத்ரூபமாக பாடிய திருமூர்த்தி என்ற மாற்று திறனாளியை பாடகராக அறிமுகம் செய்து வைத்து பெரும் பரபரப்பை ஏற்படுத்தினார்

இந்த நிலையில் ஜெயம் ரவியின் ’பூமி’ படத்தில் ஒரு பாடகியை அவர் அறிமுகம் செய்து வைத்துள்ளார். இந்தப் படத்தில் இடம்பெற்ற ’தமிழன் என்று சொல்லடா’ என்ற பாடல் சமீபத்தில் வெளியாகி மிகப் பெரிய ஹிட்டானது என்பது தெரிந்ததே

டி.இமான் இசையில் மதன் கார்க்கி பாடல் வரிகளில் அனிருத் மற்றும் டி.இமான் பாடியிருந்த இந்த பாடலின் ஆரம்பத்தில் வரும் ஹம்மிங்கை பாடியது லாவண்யா சுந்தரராமன் என்பது குறிப்பிடத்தக்கது. இவர் பிரபல பாடகி நித்யஸ்ரீ மகாதேவன் அவர்களின் நெருங்கிய உறவினர் என்பதை டி இமான் சற்று முன் தனது சமூக வலைத்தளத்தில் பதிவு செய்துள்ளார்

‘தமிழன் என்று சொல்லடா’ என்ற படத்தின் மூலம் பாடகியாக அறிமுகமான அவர் எதிர்காலத்தில் பெரிய பாடகியாக வருவதற்கு தனது வாழ்த்துக்கள் என்றும் டி.இமான் தனது சமூக வலைத்தளத்தில் குறிப்பிட்டுள்ளார்

Glad to introduce Singer #LavanyaSundararaman niece of Shri.Nithyasree Mahadevan into tamil film playback singing fraternity. She is the voice behind the latest #Bhoomi ‘s first single #TamizhanEndruSollada ! Wishing her success n joy! #DImmanMusical

Praise God! pic.twitter.com/02PKuM4Wf9

— D.IMMAN (@immancomposer) September 12, 2020