கமல்ஹாசன் நடித்த ’இந்தியன் 2’ மற்றும் தனுஷ் நடித்த ’ராயன்’ ஆகிய இரண்டு படங்களும் ஒரே நாளில் ரிலீஸ் செய்ய திட்டமிடப்பட்டுள்ள நிலையில் தற்போது ’இந்தியன் 2’ திரைப்படம் ரிலீஸ் தேதி தள்ளிப் போவதாக கூறப்படுவதால் ராயன்’ சோலோவாக ரிலீஸ் ஆக வாய்ப்பு இருப்பதாக கூறப்படுகிறது.

உலகநாயகன் கமல்ஹாசன் நடிப்பில் ஷங்கர் இயக்கத்தில் உருவான ’இந்தியன் 2’ திரைப்படம் ஜூன் 13ஆம் தேதி வெளியாகும் என்று கூறப்பட்டது. இதே தேதியில் தான் தனுஷ் நடித்து இயக்கி உள்ள ’ராயன்’ படமும் வெளியாகும் என்று கூறப்பட்ட நிலையில் தற்போது ’இந்தியன் 2’ திரைப்படம் ஜூலை மாதத்திற்கு தள்ளி போக வாய்ப்பு இருப்பதாக தெரிகிறது. இதனை அடுத்து தனுஷின் ’ராயன்’ ஜூன் 13ஆம் தேதி சோலோவாக வெளியாகும் என்று எதிர்பார்க்கப்படுகிறது. இந்த தகவல் உறுதி செய்யப்பட்டால் ‘ராயன்’ ஓப்பனிங் வசூல் பிரமாதமாக இருக்கும் என எதிர்பார்க்கப்படுகிறது.

சமீபத்தில் கூட விஷாலின் ’ரத்னம்’ மற்றும் சுந்தர் சியின் ’அரண்மனை 4’ ஆகிய படங்கள் ஒரே நாளில் ரிலீஸ் ஆகும் என்று கூறப்பட்ட நிலையில் அதன் பின் ’அரண்மனை 4’திரைப்படம் ஒரு வாரம் தள்ளி வைக்கப்பட்டதால் ’ரத்னம்’ படம் சோலோவாக ரிலீஸ் ஆனது என்பது குறிப்பிடத்தக்கது. அதேபோல் தனுஷின் படமும் ’ராயன்’ சோலவாக ரிலீஸ் ஆகும் என்று எதிர்பார்க்கப்படுகிறது.

இருப்பினும் ’இந்தியன் 2’ ரிலீஸ் தேதி தள்ளி வைக்கப்பட்டது குறித்த அதிகாரப்பூர்வ அறிவிப்பு வெளியாகும் வரை பொறுமை காப்போம்.