கடந்த ஆண்டு ஜீவா நடித்த 'கலகலப்பு 2' திரைப்படம் ஓரளவு வெற்றி பெற்றாலும் அவர் தனது மார்க்கெட்டை நிலைநிறுத்தி கொள்ள ஒரு சூப்பர் ஹிட் படம் கொடுக்க வேண்டிய கட்டாயத்தில் உள்ளார். இந்த நிலையில் தற்போது அவர் அரைடஜன் படங்களுக்கும் மேல் நடித்து கொண்டிருந்தாலும் அவர் மிகவும் நம்பியிருக்கும் ஒரு படம் 'கீ'

சயின்ஸ்பிக்சன் மற்றும் த்ரில் படமான இந்த படத்தின் படப்பிடிப்பு மற்றும் தொழில்நுட்ப பணிகள் முடிவடைந்து ஏற்கனவே ஓரிரு முறை ரிலீஸ் தேதியும் அறிவிக்கப்பட்டு பின்னர் தள்ளி வைக்கப்பட்டது. இந்த நிலையில் இந்த படம் தற்போது ஏப்ரல் மாதம் ரிலீஸ் ஆகும் என்று அறிவிக்கப்பட்டுள்ளது. இருப்பினும் சரியான ரிலீஸ் தேதி விரைவில் அறிவிக்கப்படும் என எதிர்பார்க்கப்படுகிறது.

ஜீவா, நிக்கி கல்ராணி, ஆர்ஜே பாலாஜி, சுஹாசினி, மனோபாலா உள்பட பலர் நடித்துள்ள இந்த படத்தை காளீஸ் இயக்கியுள்ளார். விஷால் சந்திரசேகர் இசையில் அபிநந்தன் ராமானுஜன் ஒளிப்பதிவில் நாகூரன் படத்தொகுப்பில் உருவாகியுள்ள இந்த படத்தை மைக்கேல் ராயப்பன் தயாரித்துள்ளார்.