ராகவா லாரன்ஸ் நடித்து வரும் 'காஞ்சனா 3' படத்தின் படப்பிடிப்பு முடிவடைந்து இந்த படத்தின் போஸ்ட் புரடொக்சன்ஸ் பணிகள் கடந்த சில மாதங்களாக நடைபெற்று வந்தது. இந்த படம் வரும் தமிழ்ப்புத்தாண்டு விருந்தாக ஏப்ரல் மாதம் வெளியாகலாம் என எதிர்பார்க்கப்பட்டது.

இந்த நிலையில் சற்றுமுன்னர் இந்த படத்தின் ரிலீஸ் தேதி புதிய போஸ்டர் ஒன்றின்மூலம் அதிகாரபூர்வமாக அறிவிக்கப்பட்டுள்ளது. அதன்படி 'காஞ்சனா 3' திரைப்படம் தமிழ், தெலுங்கு ஆகிய இரண்டு மொழிகளிலும் வரும் ஏப்ரல் 18ஆம் தேதி வெளியாகவுள்ளதாக அறிவிக்கப்பட்டுள்ளது.

ராகவா லாரன்ஸ், ஓவியா, வேதிகா, கோவை சரளா, கபீர்சிங், மனோபாலா, ஸ்ரீமான், தேவதர்ஷினி, சத்யராஜ், கிஷோர் உள்பட பலர் நடித்துள்ள இந்த படத்தை ராகவா லாரன்ஸ் இயக்கியுள்ளார். சன் பிக்சர்ஸ் நிறுவனம் தயாரித்துள்ள இந்த படம் இந்த ஆண்டின் மிக எதிர்பார்ப்புக்குரிய படங்களில் ஒன்றாகும்.