close
Choose your channels

நடிகர் சங்க தேர்தல் வழக்கின் தீர்ப்பு எப்போது? 

Friday, October 18, 2019 • தமிழ் Comments

தென்னிந்திய நடிகர் சங்க தேர்தல் கடந்த ஜூன் 23ஆம் தேதி நடைபெற்ற நிலையில் இந்த தேர்தல் சம்மந்தப்பட்ட வழக்கு சென்னை ஐகோர்ட்டில் நிலுவையில் இருப்பதால் இந்த தேர்தலில் பதிவான வாக்குகள் இன்னும் எண்ணப்படாமல் உள்ளது

இந்த வழக்கின் விசாரணை கடந்த 15ஆம் தேதி நடைபெற்றபோது ’நடிகர் சங்க தேர்தல் சட்டப்படி நடத்தப்படாததால் இந்த தேர்தல் செல்லாது என தமிழக அரசு பதில் மனு தாக்கல் செய்துள்ளது. மேலும் இந்த வழக்கின் விசாரணை முடிந்துவிட்டதால் இந்த வழக்கின் தீர்ப்பு இன்று வெளிவரும் என எதிர்பார்க்கப்பட்டது. 

ஆனால் தற்போது வெளிவந்துள்ள தகவலின்படி இந்த வழக்கின் தீர்ப்பு வரும் வியாழன் அன்று வெளியாகும் என கூறப்படுகிறது. அன்றைய தினம் தேர்தலில் பதிவான வாக்குகள் எண்ணப்படுவது குறித்து தீர்ப்பில் குறிப்பிடப்பட்டிருக்கும் என எதிர்பார்க்கப்படுகிறது

நடிகர் சங்க தேர்தலில் விஷாலின் ‘பாண்டவர் அணியும், பாக்யராஜின் சுவாமி சங்கரதாஸ் அணியும் போட்டியிட்டன என்பது குறிப்பிடத்தக்கது

Get Breaking News Alerts From IndiaGlitz