நடிகை நயன்தாரா தனது சமூக வலைதள பக்கத்தில் குடும்பத்தினருடன் கிறிஸ்துமஸ் கொண்டாட்டம் குறித்த புகைப்படங்களை பதிவு செய்துள்ள நிலையில் அந்த புகைப்படங்கள் வைரலாகி வருகின்றன.

நேற்று கிறிஸ்துமஸ் பண்டிகை உலகம் முழுவதும் கொண்டாடப்பட்ட நிலையில் தமிழ் திரை உலகினர் கிறிஸ்துமஸ் கொண்டாட்டம் குறித்த புகைப்படங்களை சமூக வலைதளங்களில் பதிவு செய்தனர்.

அந்த வகையில் ஒவ்வொரு ஆண்டும் கிறிஸ்துமஸ் பண்டிகையை சிறப்பாக கொண்டாடும் நயன்தாரா, இந்த ஆண்டும் தனது குடும்பத்தினர்களுடன் கிறிஸ்துமஸ் கொண்டாட்டத்தில் ஈடுபட்டுள்ளார்.

கணவர் விக்னேஷ் சிவன் மற்றும் உயிர் உலகம் ஆகிய குழந்தைகள் மற்றும் தனது அம்மாவுடன் நயன்தாரா கிறிஸ்துமஸ் கொண்டாடிய புகைப்படங்கள் இணையத்தில் வைரல் ஆகி வருகின்றன. குறிப்பாக நயன்தாராவின் அம்மா, நயன்தாரா மற்றும் நயன்தாராவின் குழந்தைகள் என மூன்று தலைமுறைகள் இணைந்து கொண்டாடிய கிறிஸ்துமஸ் பண்டிகை புகைப்படங்களுக்கு ரசிகர்கள் கமெண்ட்ஸ் பதிவு செய்து வருகின்றனர்.

மேலும் நயன்தாராவின் குழந்தைகளான உயிர் மற்றும் உலகம் ஆகிய இருவரின் புகைப்படங்களை பார்த்து ரசிகர்கள் ஆச்சரியம் அடைந்து வாழ்த்துக்களை தெரிவித்து வருகின்றனர் என்பது குறிப்பிடத்தக்கது.

இந்த நிலையில் நடிகை நயன்தாரா தற்போது மாதவனுடன் ’டெஸ்ட்’ என்ற படத்திலும், ’மண்ணாங்கட்டி சின்ஸ் 1960’ என்ற படத்திலும் நடித்து வருகிறார் என்பதும் இந்த இரண்டு படங்களும் அடுத்த ஆண்டு வெளியாக உள்ளது என்பது குறிப்பிடத்தக்கது.