விஜய் சேதுபதி நடிப்பில் பாலாஜி தரணிதரன் இயக்கத்தில் கடந்த 20ஆம் தேதி வெளியான 'சீதக்காதி' திரைப்படத்திற்கு நல்ல வரவேற்பும், பாசிட்டிவ் விமர்சனங்களும் கிடைத்தது. இருப்பினும், படத்தின் நீளம் மற்றும் ரிப்பீட் காட்சிகள் ஒரு குறையாக விமர்சர்களால் கூறப்பட்டது. குறிப்பாக ராஜ்குமார் மற்றும் சுனில் காட்சிகள் இரண்டுமே ஒரே மாதிரியாக இருந்ததால் ரிப்பீட் காட்சிகளாக விமர்சனம் செய்யப்பட்டது.

இந்த நிலையில் இன்று முதல் இந்த படத்தின் நீளம் டிரிம் செய்யப்பட்டுள்ளது. இந்த படத்தின் ஒரிஜினல் ரன்னிங் டைம் 2 மணி நேரம் 53 நிமிடங்கள் இருந்த நிலையில் தற்போதைய ரன்னிங் டைம் 2 மணி நேரம் 30 நிமிடங்களாக மாற்றப்பட்டுள்ளது. கிட்டத்தட்ட அரை மணி நேரம் படம் டிரிம் செய்யப்பட்டுள்ளதால் பார்வையாளர்கள் இந்த படத்தை பார்த்து திருப்தி அடைய அதிக வாய்ப்பு உள்ளது.

படத்தின் நீளம் 23 நிமிடங்கள் குறைக்கப்பட்டாலும், படத்தின் முக்கிய மேஜிக் காட்சிகள் இடம்பெறும் என்றும், டிரிம் செய்யப்பட்ட உணர்வே இருக்காது என்றும் படக்குழுவினர் தெரிவித்துள்ளனர்.