close
Choose your channels

சின்னத்திரையுலகின் அடுத்த ஜோடி: இன்ஸ்டாவில் அறிவிக்கப்பட்ட க்யூட் காதல்!

Saturday, December 4, 2021 • தமிழ் Comments

தமிழ் திரையுலகில் அஜித் - ஷாலினி, சூர்யா - ஜோதிகா, பிரசன்னா - சினேகா உட்பட பல நட்சத்திரங்கள் நிஜ வாழ்விலும் ஜோடிகள் ஆளாகியுள்ளனர் என்பது தெரிந்ததே. அதேபோல் சின்னத்திரை உலகிலும் ஜோடியாக நடித்த நட்சத்திரங்கள் நிஜ வாழ்விலும் ஜோடி ஆகி உள்ளனர் என்பது குறிப்பிடத்தக்கது.

’திருமணம்’ சீரியல் மூலம் புகழ்பெற்ற ஸ்ரேயா- சித்து ஜோடி நீண்டடகாலமாக காதலித்து வந்த நிலையில் சமீபத்தில் திருமணம் செய்து கொண்டனர். அதேபோல் ’பூவே பூச்சூடவா’, ‘அபி டெய்லர்’ போன்ற சீரியல்களில் ஜோடியாக நடித்த மதன் - ரேஷ்மா ஜோடி திருமணம் செய்து கொண்டனர். செம்பருத்தி சீரியலில் நடித்த ஷபானா சமீபத்தில் ஆர்யன் என்பவரை திருமணம் செய்து கொண்டார் என்பதும், ‘ராஜா ராணி’ சீரியலின் நட்சத்திரங்கள் சஞ்சீவ்-ஆல்யா மானசா ஜோடியும் நிஜ வாழ்வில் இணைந்தனர் என்பது குறிப்பிடத்தக்கது.

அந்த வகையில் தற்போது கலர்ஸ் டிவியில் ’அம்மன்’ என்ற தொடரில் ஜோடியாக நடித்து வரும் அமல்ஜித் மற்றும் பவித்ரா ஆகியோர் தங்களது காதலை வெளிப்படையாக முதல்முறையாக தெரிவித்துள்ளனர். ‘என்னுள் பாதி’ என அமல்ஜித் தனது இன்ஸ்டாகிராமில் பவித்ராவின் புகைப்படத்தை பதிவு செய்து காதலை க்யூட்டாக வெளிப்படுத்திய நிலையில் இவர்களது திருமணம் விரைவில் நடைபெறும் என்று எதிர்பார்க்கப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz