பிரபல தெலுங்கு நடிகர் ராம்சரண் தேஜாவின் மனைவி உபாசனா சமீபத்தில் கர்ப்பமான நிலையில் இன்று அவருக்கு பெண் குழந்தை பிறந்துள்ளதாக அறிவிக்கப்பட்டுள்ளது. இதனை அடுத்து ரசிகர்கள் மற்றும் திரையுலக பிரபலங்கள் வாழ்த்துக்களை தெரிவித்து வருகின்றனர்.

பிரபல தெலுங்கு நடிகர் ராம்சரண் தேஜா மற்றும் அப்பல்லோ மருத்துவமனையின் தலைவர் பிரதாப் சி ரெட்டியின் பேத்தி உபாசனாவிற்கும் கடந்த 2012 ஆம் ஆண்டு திருமணம் நடந்தது. இந்த திருமணத்திற்கு பல திரையுலக பிரபலங்கள் வருகை தந்திருந்தனர்.

இந்த நிலையில் திருமணம் ஆகி 11 ஆண்டுகள் கழித்து உபாசனா கர்ப்பமான நிலையில் இன்று அவருக்கு பெண் குழந்தை பிறந்துள்ளதாக அப்பல்லோ மருத்துவமனை தெரிவித்துள்ளது. மேலும் பிரசவத்திற்கு பின்னர் தாயும் குழந்தையும் நலம் என்றும் அறிவிக்கப்பட்டுள்ளது.

இந்த நிலையில் ராம்சரண் தேஜா வீட்டிற்கு வந்த தேவதைக்கு ரசிகர்கள் மற்றும் திரை உலக பிரபலங்கள் வாழ்த்துக்களை தெரிவித்து வருகின்றனர்.