close
Choose your channels

தலைவியைத் தொடர்ந்து ஏ.எல்.விஜய் இயக்கத்தில் இணையும் முக்கிய பிரபலங்கள்!

Saturday, December 4, 2021 • தமிழ் Comments

நடிகர் விஜய்சேதுபதி – அனுஷ்கா ஷெட்டி இணைந்து நடிக்கும் புதிய திரைப்படத்தை இயக்குநர் ஏ.எல்.விஜய் இயக்கவுள்ளதாகத் தகவல் வெளியாகி இருக்கிறது. இதற்கு முன்பு கங்கனா ரனாவத் நடிப்பில் “தலைவி“ படத்தை விஜய் உருவாக்கியிருந்தார். அதைத்தொடர்ந்து வேல்ஸ் ஃபிலிம் இண்டர்நேஷனல் சார்பில் புதிய படமொன்றை இவர் இயக்க இருப்பதாகக் கூறப்படுகிறது.

இயக்குநர் ஏ.எல்.விஜய் இயக்கத்தில் நடிகை அனுஷ்கா கடந்த 2011 இல் “தாண்டவம்“ திரைப்படத்தில் நடித்திருந்தார். தமிழில் கடைசியாக இவர் நடித்த “நிசப்தம்“ திரைப்படம் ஓடிடி தளத்தில் வெளியாகியது. அதற்குப் பிறகு வேறெந்த படங்களிலும் நடிக்காமல் இருந்து வந்தார். தற்போது அனுஷ்கா ரீஎண்ட்ரி கொடுக்கும் விதமாக நடிகர் விஜய்சேதுபதியுடன் இணைந்து நடிக்க இருப்பதும் குறிப்பிடத்தக்கது.

வேல்ஸ் ஃபிலிம் இண்டர்நேஷனல் சார்பில் ஐசரி கணேஷ் தயாரிக்க இருக்கும் இந்தப் புதிய படம் குறித்த முழுமையான தகவல்கள் இன்னும் வெளியாகவில்லை. இந்நிலையில் நடிகர் விஜய்சேதுபதி “விடுதலை“, “யாரும் ஊரே யாவரும் கேளீர்“, “விக்ரம்“, “மைக்கேல்“ போன்ற திரைப்படங்களில் நடித்துவருகிறார்.

மேலும் “காத்துவாக்குல ரெண்டு காதல்“, “கடைசி விவசாயி“ போன்ற ஒருசில திரைப்படங்கள் இந்த மாதம் ரிலீசாகவுள்ளது. அதேபோல இந்தியில் இவர் நடிகை காத்ரினா கைஃப்புடன் “மெர்ரி கிறிஸ்துமஸ்“ போன்ற ஒருசில திரைப்படங்களிலும் நடித்து வருகிறார். தற்போது அனுஷ்கா ஷெட்டியுடன் முதல் முறையாக அவர் இணைந்து நடிக்க இருப்பதும் குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz