மீம்ஸ் செய்வதற்கென்ற பலர் யூ டியூப் சேனல்களை தொடங்கி அதில் பலர் வெற்றியும் கண்டுள்ள நிலையில் அவற்றில் ஒன்றான ‘எருமை சாணி' சேனலுக்கு இளைஞர்கள் பலர் ரசிகர்களாக மாறிவிட்டனர். எருமைச்சாணி விஜய் மற்றும் ஹரிதாவுக்கு ஆதரவு குவிந்துள்ளது என்பது தெரிந்ததே.

அந்த வகையில் எருமைச்சாணி விஜய் சமீபகாலமாக ஒருசில திரைப்படங்களிலும் நடித்து வந்த நிலையில் தற்போது அவர் முதல்முறையாக ஒரு திரைப்படத்தை இயக்கவுள்ளார். இந்த படம் கல்லூரி மாணவர்கள் சம்பந்தப்பட்ட கதை என்பது குறிப்பிடத்தக்கது.

இந்த படத்தில் கல்லூரி மாணவராக பிரபல நடிகர் அருள்நிதி முக்கிய வேடத்தில் நடிக்கவுள்ளார். உண்மை சம்பவத்தை அடிப்படையாக கொண்ட இந்த படத்தின் கதையை கேட்ட அருள்நிதி உடனே நடிக்க ஒப்புக்கொண்டதாகவும் இந்த படம் குறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.