close
Choose your channels

கவுதம் மேனனின் இரண்டு படங்களிலும் ஒரே இசையமைப்பாளர்

Wednesday, April 20, 2016 • தமிழ் Comments
செல்வராகவன் இயக்கி வரும் 'நெஞ்சம் மறப்பதில்லை' திரைப்படத்தில் இசையமைப்பதாக இருந்த சந்தோஷ் நாராயணனுக்கு பதிலாக யுவன்ஷங்கர் ராஜா ஒப்பந்தம் செய்யப்பட்டார் என்பதை சற்று முன்னர் பார்த்தோம். இந்நிலையில் அண்ணன் செல்வராகவன் படத்தில் கமிட் ஆன யுவன், தற்போது தம்பி தனுஷ் நடிக்கும் 'எனை நோக்கி பாயும் தோட்டா' படத்திற்கும் இசையமைக்கவுள்ளதாக கூறப்படுகிறது.

நெஞ்சம் மறப்பதில்லை, எனை நோக்கி பாயும் தோட்டா ஆகிய இரண்டு படங்களையும் கவும்தம் மேனன் தயாரிக்கின்றார் என்பது குறிப்பிடத்தக்கது. மேலும் இந்த தகவல் உறுதியானால் கவுதம் மேனன் இயக்கும் படத்திற்கு யுவன்ஷங்கர் ராஜா இசையமைப்பது இதுவே முதல்முறை என்பதும் குறிப்பிடத்தக்கது.
தனுஷ், மேகா ஆகாஷ் நடித்து வரும் இந்த படத்தின் படப்பிடிப்பை இயக்குனர் கவுதம்மேனன் விறுவிறுப்புடன் இயக்கி வருகிறார்.

Get Breaking News Alerts From IndiaGlitz