சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கி வரும் '2.0' படத்தின் இசை வெளியீட்டு விழா வரும் 27ஆம் தேதி துபாயில் பிரமாண்டமாக நடைபெற அனைத்து ஏற்பாடுகளும் தயாராகி வருகிறது.

இந்த நிலையில் இந்த படத்தின் சாட்டிலைட் உரிமையை மிகபெரிய தொகை கொடுத்து வாங்கியுள்ள ஜீடிவி அனைத்து மொழிகளிலும் இந்த இசை வெளியீட்டு விழாவை நேரடி ஒளிபரப்பு செய்யவுள்ளதாக தகவல்கள் வெளிவந்துள்ளது. அதுமட்டுமின்றி விழா மேடையில் ஏ.ஆர்.ரஹ்மான் மற்றும் எமிஜாக்சன் சிறப்பு நிகழ்ச்சிகளையும் நடத்தவுள்ளனர்.

மேலும் துபாயில் உள்ள டவுண்டவுன் பர்ஜ் பார்க்கில் பிரமாண்டமாக நடைபெறவுள்ள '2.0' படத்தின் இசை வெளியீட்டை நேரடியாக கண்டு ரசிக்க தற்போது டிக்கெட்டுக்கள் மிக வேகமாக புக் ஆகிக்கொண்டு இருக்கின்றது என்பது குறிப்பிடத்தக்கது.