இயக்குனர் விக்னேஷ் சிவன் இயக்கத்தில் நயன்தாரா நடித்த ’நானும் ரவுடிதான்’ என்ற திரைப்படத்தின் படப்பிடிப்பின் இடையே இருவருக்குமிடையே காதல் மலர்ந்தது என்பதும் கடந்த ஐந்து ஆண்டுகளாக தொடர்ந்து வரும் இந்த காதல் விரைவில் திருமணத்தில் முடியும் என்றும் எதிர்பார்க்கப்படுகிறது.

இந்த நிலையில் திருமண பந்தத்தில் இணையும் முன்னரே இருவரும் திரையுலகில் மீண்டும் இணையவுள்ளனர். ஏற்கனவே விக்னேஷ் சிவன் இயக்கத்தில் ’காத்துவாக்குல ரெண்டு காதல்’ என்ற திரைப்படத்தில் நயன்தாரா நடிக்க உள்ளார் என்பது தெரிந்ததே. அந்த படத்தின் படப்பிடிப்பு விரைவில் தொடங்க உள்ளது.

இதற்கு முன்னதாகவே இருவரும் இணைந்து ஒரு திரைப்படத்தை வெளியிட ஒப்பந்தம் செய்துள்ளனர். இயக்குனர் அருண் மாதேஸ்வரன் என்பவர் இயக்கிய ’ராக்கி’ என்ற திரைப்படத்தின் தமிழக ரிலீஸ் உரிமையை விக்னேஷ் சிவன் மற்றும் நயன்தாரா இணைந்து பெற்றுள்ளனர். இவர்களது ரவுடி பிக்சர்ஸ் சார்பில் இந்த திரைப்படம் தமிழகம் முழுவதும் வெளியாக உள்ளது என்பது குறிப்பிடத்தக்கது. இந்த தகவலை விக்னேஷ் சிவன் அதிகாரப்பூர்வமாக தனது சமூக வலைத்தளத்தில் அறிவித்துள்ளார்.

எனது நண்பர் அருண் மாதேஸ்வரனும், நானும் பல ஆண்டுகளாக உதவி இயக்குனராக பணி புரிந்தோம். தற்போது இருவரும் ஒரு படத்தில் இணைந்து உள்ளது குறித்து நான் மிகவும் மகிழ்ச்சி அடைகிறேன். நயனும் நானும் இணைந்து இந்த படத்தை வெளியிடுகிறோம் என்று அறிவித்துள்ளார். இந்த படம் விரைவில் திரைக்கு வர உள்ளது என்பது குறிப்பிடத்தக்கது.
 

There r moments in life, wer u feel #WhatGoesAroundComesAround @arunmatheswaran my dear friend for a long time,started together as ADs & now to see our names together in ur first film makes me feel happy:)

Nayan &Me want to present this special film to ya'll #RowdyAquiresRocky pic.twitter.com/Hs5rfoWUsx

— Vignesh Shivan (@VigneshShivN) December 9, 2020