close
Choose your channels

'விஸ்வாசம்' சாதனையை யாராலும் மறைத்துவிட முடியாது: பிரபல தயாரிப்பாளர்

Sunday, September 8, 2019 • தமிழ் Comments

தல அஜித் நடித்த ‘விஸ்வாசம்’ திரைப்படம் கடந்த பொங்கல் தினத்தில் வெளியாகி மிகப்பெரிய வசூல் சாதனை செய்தது. இந்த படம் செய்த வசூல் சாதனையை அஜித்தின் அடுத்த படமான ‘நேர் கொண்ட பார்வை’ திரைப்படத்தால் கூட முறியடிக்க முடியவில்லை. இந்த ஆண்டில் ‘விஸ்வாசம்’ படத்தின் வசூலை முறியடிக்க இன்னொரு படம் வருமா? என்பதை பொறுத்திருந்து தான் பார்க்க வேண்டும்.

இந்த நிலையில் ‘விஸ்வாசம்’ திரைப்படத்தை தமிழகத்தில் ரிலீஸ் செய்து 8 நாட்களில் ரூ.125 கோடி வசூல் செய்ததாக அறிவித்த கே.ஜே.ஆர் ஸ்டுடியோஸ் நிறுவனம் இன்று தனது சமூக வலைத்தள பக்கத்தில், ‘பொங்கலுக்கு திரையிடப்பட்டு தீபாவளி வரை நாம் இதை பேசிக்கொண்டு இருக்கின்றோம்.  எனினும் எத்தனை தீபாவளி வந்தாலும், விஸ்வாசம் திரைப்படத்தின் சாதனையை மறந்துவிடவோ மறைத்துவிடவோ முடியாது’ என்று பதிவு செய்துள்ளது. இந்த டுவீட் கடந்த சில நிமிடங்களுக்கு முன் பதிவு செய்யப்பட்ட நிலையில் அதற்குள் சுமார் 6 ஆயிரம் லைக்ஸ்களை பெற்று வைரலாகி வருகிறது.

இந்த நிலையில் வரும் தீபாவளி அன்று விஜய்யின் ‘பிகில்’ வெளியாகவுள்ளது. இந்த ஆண்டின் மிகப்பெரிய வசூல் என்ற ’விஸ்வாசம்’ சாதனையை விஜய், ஏ.ஆர்.ரஹ்மான், அட்லி கூட்டணியின் ‘பிகில்’ முறியடிக்குமா? என்பதை பொறுத்திருந்து பார்ப்போம்.

Get Breaking News Alerts From IndiaGlitz