ஜோதிகா நடித்த 'ராட்சசி' திரைப்படத்தின் டிரைலர் சமீபத்தில் வெளிவந்து நல்ல வரவேற்பை பெற்றது. ஒரு அரசு பள்ளியின் அவலத்தையும் அந்த அரசுப்பள்ளியை ஒரு பொறுப்புள்ள ஆசிரியை நினைத்தால் தலைகீழாக மாற்றலாம் என்பதையும் அந்த டீசரில் கூறப்பட்டிருந்தது. டீசரே இப்படி என்றால் முழுப்படத்தை பார்த்தால் அதில் கூறப்பட்டுள்ள ஆழமான விஷயம் நிச்சயம் அனைவரையும் கவரும் என்றே எதிர்பார்க்கப்படுகிறது

இந்த நிலையில் 'ராட்சசி' படத்தின் சென்சார் தகவல்கள் சற்றுமுன் வெளிவந்துள்ளது. இந்த படத்திற்கு சென்சார் அதிகாரிகள் 'யூ' சான்றிதழ் கொடுத்துள்ளதாக இந்த படத்தின் தயாரிப்பாளர் எஸ்.ஆர்.பிரபு அவர்கள் தனது சமூக வலைத்தளத்தில் குறிப்பிட்டுள்ளார். மேலும் இந்த படம் ஜூலை வெளியீடு என்றும் சரியான ரிலீஸ் தேதி விரைவில் அறிவிக்கப்படும் என்றும் கூறப்பட்டுள்ளது

ஜோதிகா, ஹரிஷ் பெராடி, பூர்ணிமா பாக்யராஜ், சத்யன் உள்பட பலர் நடித்துள்ள இந்த படத்தை கவுதம் ராஜ் இயக்கியுள்ளார். சீன் ரோல்டான் இசையில் கோகுல் பினாய் ஒளிப்பதிவில் பிலோமின்ராஜ் படத்தொகுப்பில் இந்த படம் உருவாகியுள்ளது