close
Choose your channels

'துப்பறிவாளன் 2' படத்தில் திடீர் டுவிஸ்ட்: அசத்தும் மிஷ்கின்

Sunday, November 24, 2019 • தமிழ் Comments

விஷால் நடித்த ’ஆக்சன்’ திரைப்படம் சமீபத்தில் வெளியாகி திரையரங்குகளில் வெற்றிகரமாக திரையிடப்பட்டு கொண்டிருக்கும் நிலையில் அவர் தற்போது மிஷ்கின் இயக்கத்தில் உருவாகிவரும் ’துப்பறிவாளன் 2’ என்ற படத்தில் நடித்துக் கொண்டிருக்கிறார். இந்த படத்தின் படப்பிடிப்பு தற்போது லண்டனில் விறுவிறுப்பாக நடைபெற்று வருகிறது.

இந்த நிலையில் இந்த படத்தில் மிஷ்கின் ஒரு முக்கிய வேடத்தில் நடித்து வருவதாக செய்திகள் வெளிவந்துள்ளது. இந்த செய்தி மிஷ்கின் மற்றும் விஷால் ரசிகர்களுக்கு ஒரு டுவிஸ்ட்டாக கருதப்படுகிறது.

இந்த செய்தியை உறுதி செய்வதைப்போல் சமூக வலைதளங்களில் மிஷ்கின் மேக்கப் போட்டு கேமரா முன் நடிப்பதற்கு தயாராக இருப்பது போன்ற புகைப்படங்கள் வைரலாகி வருகிறது.

விஷால், பிரசன்னா மீண்டும் இணைந்து நடிக்கும் இந்த படத்தை விஷால் பிலிம்ஸ் பேக்டரி நிறுவனம் தயாரித்து வருகிறது. கடந்த 2017ஆம் ஆண்டில் வெளிவந்த ’துப்பறிவாளன்’ திரைப்படம் மிகப்பெரிய வரவேற்பைப் பெற்றதை அடுத்து இந்த படத்தின் இரண்டாம் பாகமாக உருவாகி வரும் ’துப்பறிவாளன் 2’ படமும் முதல் பாகத்தைப் போலவே ரசிகர்களை கவரும் என்று எதிர்பார்க்கப்படுகிறது.

Get Breaking News Alerts From IndiaGlitz