ரெமோ' டிரைலர் ரிலீஸ் தேதி மற்றும் புதிய அப்டேட்
Sunday, September 18, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
சிவகார்த்திகேயன், கீர்த்தி சுரேஷ் நடிப்பில் உருவாகியுள்ள 'ரெமோ' படத்தின் போஸ்ட் புரடொக்ஷன்ஸ் பணிகள் இரவுபகலாக விறுவிறுப்பாக நடைபெற்று வரும் நிலையில் இந்த படத்தின் வியாபாரம் கிட்டத்தட்ட நிறைவடையும் நிலையில் உள்ளது. ஏற்கனவே தமிழகத்தின் அனைத்து பகுதிகளின் ரிலீஸ் உரிமையும் எம்ஜி முறையில் விற்பனையாகிவிட்ட இந்த படத்தின் வட இந்திய ரிலீஸ் உரிமையை தற்போது ரிலையன்ஸ் எண்டர்டெயின்மெண்ட் நிறுவனம் பெற்றுள்ளது. இதனால் இந்த படம் வட இந்தியாவில் நல்ல முறையில் புரமோஷன் செய்யப்படும் என எதிர்பார்க்கப்படுகிறது.
மேலும் சிவகார்த்திகேயன் ரசிகர்கள் மிக ஆவலுடன் எதிர்பார்த்து காத்திருந்த 'ரெமோ' படத்தின் டிரைலர் நாளை மாலை 6.00 மணிக்கு வெளியாகிறது. ஏற்கனவே இந்த படத்தின் டீசர் மற்றும் பாடல்கள் பெரும் வரவேற்பை பெற்றுள்ள நிலையில் தற்போது வெளிவரும் டிரைலரும் ரசிகர்கள் மத்தியில் பட்டையை கிளப்பும் என்று கூறப்படுகிறது.
அக்டோபர் 7ஆம் தேதி ஆயுதபூஜை விடுமுறை தினத்தில் வெளியாகவுள்ள இந்த படத்தில் சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்துள்ளனர். பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்துள்ள இந்த படத்தை பாக்யராஜ் கண்ணன் இயக்கியுள்ளார். அனிருத் இசையமைத்துள்ள இந்த படத்தை 24ஏஎம் ஸ்டுடியோஸ் நிறுவனம் தயாரித்துள்ளது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
